حوتة للعراضة بريستيج ومذاق ماتشبعوش منو

طريقة التحضير :

• 
  كانوجدو الماريناد ديالنا بعصير الحامض و معدنوس وقزبر(مقطعين رقيق) مع التحميرة و زيت البلدية و الهريسة كانخلطو هاد العناصر كاملة و كانشرملو بها الحوتة ديالنا و كانخليوها ساعة أو ساعتين و هي مرقدة فى شرمولة . الحشو: ناخذو اولا مقلاة غادى نديرو فيها البصلةمع شوية الزيت البلدية و شوية الزيت الرومية حتى كاتهبط البصلة ثم كانزيدو الفلافل حتى كايتشحرو عاد كانزيدو الفطر المعلب ثم الملح و الابزار و كانزيدو معلقة كبيرة الطماطم (المركزة) ثم الثومة و شوية الهريسة وكنزيدو فالاخير الكروفيت(مصلوق) و الكلمار(مفور) و السيبيا(مفورة) و كانزيدو الزيتون و الحامضة مصيرة و الكامون و القزبور و المعدنوس ثم الشعرية الصينية و نطفيو عليهم العافية. بعد ما بردات الحشوة ديالنا: كاناخذو طاوة مفرشة بورق السيفيريزى و كانديرو الحوثة ديالنا (لى خديناها و قطعناها من الظهر) و كانعمروها مزيان بالحشوة و كانغطيو الحشوة كامل من الفوق بالفرماج احمرمحكوك و نذخلوها للفران