المقادير :
- 4بيضات
- نصف كيلو السميدة الرقيقة
- كاس زيت
- كاس سنيدة
- كاس حليب
- 2 خمارات
- ملح
- الحشوة :
- بصلة معسلة
- رابعة الكفتة مشحرة مع البصلة مشلضة
- اللوز محمر (بقشورو و مهرمش)
- ملح
- قرفة
- عسل
- السكر كلاصى و القرفة للتزيين.
طريقة التحضير :
-
كاناخذو السميدة الرقيقة و كانزيدو عليها سكر سنيدة و الزيت و البيض و الحليب و ملح و الخمارات و كانطربو العناصر بالطراب اليدوى حتى كاينساجمو و كانخليوها ترتاح ربع ساعة. الحشوة : كاناخذو البصلة مشلضة و كانزيدو عليها الكفتة حتى كاتشحر عاد كانزيدو ليها الملح و القرفة و حتى تطيب لينا البصلة مع الكفتة عاد كانزيدو عليها معلقة كبيرة العسل و نطفيو عليها و نخليوها تبرد. من بعد كاناخذو مول مدهون و نشكلو طبقات؛ الطبقة الاولى كانديرو نصف كمية الخليط ديال الحرشة و الطبقة الثانية كانديرو الكفتة مع البصلة و فالطبقة الثالتة كانديرو البصلة (معسلة) و الطبقة الرابعة كانديرو اللوز (مهرمش) و في الاخير كانغطيو بالطبقة ديال الخليط ديال الحرشة و نذخلوهم الفران سخون و بالصحة و الراحة
/1