المقادير :
- 500 غ ورقة بسطيلة كبيرة الحجم
- 300 غ زبدة دائبة
- اصفر بيضة
- الحشوة :
- دجاجة 2 كغ
- 5 بصلات مشلضين
- زلافة قزبور و معدنوس
- عود قرفة
- معلقة صغيرة ملح
- معلقة صغيرة ابزار
- معلقة صغيرة سكينجبير
- زعفران شعرة و ملون
- كأس صغير زيت بلدية و عادية
- لتر ماء
- 8 بيضات
- 500 غ لوز مسلوق مقشر و مقلي
- 200 غ سكر
- 2 معالق كبارماء الزهر
- 2 معالق كبار زبدة
طريقة التحضير :
-
فطنجرة نشحرو الدجاج بالزيت البصلة القزبر و المعدنوس الملح الابزار سكينجبير عود القرفة الملون زعفران الشعرة ثم نضيف الماء و نخليو الدجاج يطيب مزيان و من الأحسن حتى يبدأ الدجاج يتفرق على العضم. هنا نحيدو الدجاج من الطنجرة نمهلو عليها و نخليو المرق يضغمر. من بعد ما يبرد الدجاج نقيوه من العضام و نقطعوه قطع صغيرة و نحتافضو بيه. منين المرق يضغمر نبدأ نضيفو البيض وحدة وحدة وأنت كنتحركي الوقت اللي يطيب فيه البيض و ينشف المرق إلا بقا فيه شوية زيت فالاحسن نصفيوه. ناخدو اللوز اللي قلينا نطحنوه مع السكر القرفة الزبدة و ماء الزهر نحاول نخليوه مهرمش شوية . ناخدو المول ندهنوه مزيان بالزبدة تم نفرشو 5 أو 6 من أوراق البسطيلة وحدة على وحدة نص لداخل و نص على برا ندهنوهم بالزبدة ثم نضيفو ورقة فالوسط باش تتماسك مع الآخرين. نضع طبقة الدجاج تم خليط المرق و البيض تم خليط اللوز هنا كيبقى الاختيار لك إلا بغيتي تفرقي بين الطبقات أو لا و نصيحة إلا كنتي غادي تفرقي بيناتهم دخلي الورقات للفران حمريهم شوية قبل ما تعمليهم باش ميبقاوش مرخيين . جمعو الجناب و دهنوهم بالبيض باش يتلاصقو يا اما غطيو بالورقة و طويو الجناب لتحت أو قطعوا الورقة رقيقة و دهنوهم مزيان بالزبدة و غطيو بيها الوجه دخليها للفران منين تحمرات من تحت شعلي عليها من فوق منين تخرجوها دهنوها بالعسل و زينوها باللوز ممكن تصاوبو بسيطلات صغار بنفس الطريقة و بالصحة و الراحة . وصفة Nadine Ettouzani Achir
/1