بعد حلقتها في « قفص الاتهام ».. نرجس الحلاق متفاجئة بردود أفعال مغاربة (فيديو)
استضاف الإعلامي المغربي، رضوان الرمضاني، في حلقة جديدة من برنامجه « قفص الاتهام »، الممثلة المغربية نرجس الحلاق.
وتميزت الحلقة بالصراحة، إذ فاجأت الممثلة المغربية، مشاهدي الحلقة بعفويتها وإجاباتها الصادقة.
وتعليقا على ردود الأفعال التي توصلت بها بع بث الحلقة، نشرت الحلاق تدوينية على حسابها الرسمي على انستغرام جاء فيها: « مساء الخير عليكم أصدقائي… الصراحة قبل ما تتحط الحلقة لبارح كنت خايفة بزاف خصوصا قلت عنداك ما يفهمونيش الناس ولا عنداك نجرح شي حد عن غير قصد خصوصا انني كنت كنجاوب بعفوية وبدون تخطيط مسبق وهادشي كان خالعني ولكن من بعد ما تحطات الحلقة تصدمت بالكم الهائل ديال الرسائل العامرة بالحب والتقدير ليا ولشخصيتي ».
وأضافت: « صراحة كنت محبطة يمكن بسبب وجود ناس اللي كيحكمو عليك بدون ما يسمعوك و يعايروك بلا ما يفهمو مرجعياتك وأفكارك ولكن انتوما بدون استثناء فهمتوني وكبرتو بيا الله يكبر بيكم.. كنت خايفة من هاذ البرنامج وخايفة نبان سطحية وما عنديش محتوى ولكن الصحفي الحقيقي كيكون مثل الحرباء يتلون مع الضيف كيفما كان والصحفي اللي كيعطيك مجال بأسئلته أنك تعبر على أفكارك بحرية وبدون مقاطعة هو الصحفي الحقيقي ».
وفي نهاية تدوينتها قدمت الحلاق شكرها للرمضاني فكتبت: « شكرا الرمضاني على ذكائك وسعة صدرك، و أخيرا كنبغي نقول للناس كاملين كيما أنا جيتكم مثقفة وذكية و عندي ما يتقال راه كاينين بزاف ديال الفنانين بحالي فالمغرب وكاينين اللي حسن مني بزاف غير مازال ما تعطاتهم الفرصة يعبرو على أفكارهم فالمنبر الإعلامي الذي يحترم ذكاءهم… شكرا بزاف ».
