بينيي بالليمون
3
بيضات
وكاس سنيدة
كاس زيت
خمارة ديال
الحلوى
وحدة فاني
وحدة قشرة ليمونة محكوكة
و كاس عصير الليمون
و معيلقة كبيرة خميرةالدار
و نص زلافة ديال الما دافي اولا كاس
و الدقيق حسب الخليط
كنخلطو كولشي السوائل هي الاولى من غير الدقيق و الخميرة تا نزيدو الدقيق بعدا وملي نبداو نزيدو الطحين نزيدو الخميرة الفورية هي الاولى ونخلطو شوية
نزيدو الخميرة ديال الحلوة و الفاني ونخلطو ومنكتروش الطحين من الاول باش متجيناش قاسحة العجينة نزيودو غير بالقياس تا تجمع لينا العجينة وتجي شوية ورخوفة ماشي قاسحة وماشي جارية
ملي تجمعات لينا كما تشوفو راها رطبة وغير كيتجمع الخليط صافي يعني بلا ماندلكو العجينة
كندهنو الوجه ديال العجينة بشوية ديال الزيت ونغطيوها ببلاستيك تخمر نخليوها تقريبا ساعة باش تخمر مزيان
نطلقو العجينة على سطح مرشوش بالطحين ونقطعوها دوائر كما بغيتو
نستامرو في التقطاع تا نكملو كل العجينة لي عندنا عاد نبداو نطيبو وملي نطيبو نبداو في البينيي الاول طبعا لي وجدنا الاول ونمشيو بالترتيب تا نكملو كولشي
كنقليو البينيي في زيت سخون وكما شفتو كيجي منفوخ وخاوي من الداخل ونرشو عليه السكر كلاصي و شي مرات كنخشي ليه الوجه في الشكلاط دايب ونرشو بالفيرميسيل وكل وحدة وشنو كتبغي و بالصحة و الراحة
