تامر حسني يخرج عن صمته ويرد على بسمة بوسيل: لا يرضيني زعلك إنت حبيبتي وأم أولادي… متهورة بس بحبك (صور)
بعد أيام من إعلانها انفصالها عنه، خرج الفنان المصري تامر حسني عن صمته ووجه رسالة إلى زوجته مصممة الأزياء المغربية بسمة بوسيل.
ورد تامر في تدوينة نشرها على حسابه الرسمي على إنستغرام، عبر خاصية ستوري، على إعلان بوسيل كما عبر عن حبه الكبير لها.
وكتب: « بسمه حبيبتي للأسف انتي مفكرتيش كويس وسلمتي ودنك الشر السوشيال ميديا عشان کام تعليق كلامهم فارغ نسوكي انك عرفتيني وانا مشهور ودي طبيعة شغلي اللي عرفتيني وحبيتيني بيها، إزاي وصلوكي للزعل والبعد فتره المهم انا مش هزعل منك ولا يرضيني زعلك انتي حبيبتي و ام ولادي انا ضهرك و سندك مهما حصل ، بس اللي عايز اقوله لعل نكون سبب خير في توعية ناس كتير اليه لما اي حد بيزعل من حد بيطلع يكتب عليه في السوشيال میدیا ».
وتابع: « طب حتى يكلمه الأول الناس بمشكله شخصيه بين اتنين ممكن تتحل بالتليفون او في زيارة رحيمة ما بينهم و یاریتها مشكله اصلا، ربنا جعل ما بینا موده و رحمه عشان كدا ، للأسف انتي عارفه ان في ناس في طبيعتهم حب خراب البيوت، و مش هنخلص، بس انتي اللي هتخلصي من فكرة انك تسمعيهم مع انك مكنتيش كدا ايه علاقة منهم ».
وأضاف: « بس ياريتك تركزي مع طاقة الناس اللي دعولنا ودعوا لاولادنا بكل خير، و فعلا انا بشكر كل الناس والفنانين اللي سعوا في الخير لينا وانا واثق انك دلوقتي زعلانه انك كتبتي کدا هو تصرف متهور منك ولا يهمك مش عيب أن الإنسان يغلط و يتعلم وأنا ياما علمتك لسه هعلمك كان نفسي الكلام دا یکون بینا لكن انتي اشركتي الجمهور الكريم فكان لازم ارد هنا بينا حب غالي حياه كريمه واولادنا و بيتنا اغلى مافيها ربنا يخلينا ليهم ويخليهم لينا ويارب، متهورة بس بحبك ».
