خطوة شجاعة.. اليوتيوبر غيثة ميزديد تقرر التبرع بأعضائها مجانا

في خطوة جريئة وشجاعة، أعلنت اليوتيوبر والطالبة في كلية الطب، غيثة ميزديد، تبرعها بأعضائها بعد الممات مجانا.

وفي منشور على حساباتها الرسمية على مواقع التواصل الاجتماعي، تقاسمت ميزديد مع الآلاف من متابعيها، قرارها التبرع بأعضائها.

وكتبت ميزديد في تدوينة لها: « نهار 07/01/2021 وقعت على التبرع المجاني بالأعضاء ديالي بعد الممات.
علاش؟ كيفاش؟ وايلي من دابا كاتقكري نتي فبعد الممات ديالك؟ راكي مازالة صغيرة دابا تندمي ».

وتابعت: « عمرني فكرت فما بعد الممات حتى تلاقيت مع اللي حي و مقابل مع الممات ديالو بسيف عليه. كنت فمصلحة أمراض الجهاز الهضمي كاندور على المرضى دياولي كانلقى 4 د الناس عندهوم تشمع كبدي و الكبدة ديالهوم مابقاتش كاتخدم نهائيا ».

وأضافت: « سولت الأستاذة شنو هوا العلاج، جاوباتني إما زراعة واخا طرف صغير دالكبدة و لا غايجيه سرطان بنسبة 100% هادشي إلا ماتوفاش قبل. و داك الطريف د الكبدة منين كايجيبوه ؟ من كبدة كبيرة ديال متبرع و اللي كاتقسم على 7 كل طرف كايعتق شخص. و شحال من زراعة كاتكون فالشهر ؟ بقوة قلة المتبرعين المريض كايتقيد فاللائحة و هو عااارف راسو ماغايلقاش. يعني ماكايتحسبوش العمليات بالشهر ».

واسترسلت: « تال حدود 2020 كان مجموع الناس اللي فكرو فما بعد الممات ديالهوم فالمغرب 1200 شخص فالمغرب كامل ».

وتفاعل كثيرون مع منشور اليوتيوبر الشهيرة، وانقسمت التعليقات بين مؤيدة ومعارضة لقرارها التبرع بأعضائها.

مواضيع ذات صلة