سردين مقلي بطريقة مختلفة وجديدة
المكونات:
بيضة
ملعقة كبيرة من الخل
قزبر ومعدنوس مكرض رقيق
2ضريسات ثوم مدقوقة
ملح
إبزار
تحميرة
خرقوم بلدي
شونية حارة
ربع كأس عنبة ماء
3 ملاعق كبار دقيق أبيض
الطريقة:
نغسلو ونقييو السردين من السنسول ونسقطروه مزيان ونشفوه من الماء.
نخلطو في إناء غارق البيضة وخمارة الحلوة مع العطرية والخل والثوم والقزبر ومعدنوس مكرضين مع ربع كأس الماء نخلطو كلشي مزيان بالطراب اليدوي مزيان عاد نضيفو 3 ملاعق كبار دقيق فورص أبيض نخلطو مزيان غنحصلو على خليط بحال ديال عجين بغرير.
نخلطو في السردين مزيان حتى يتغلف كلو بهاد الخليط نغطيوه ونزلوه في تلاجة او نقليوه في زيت سخونة مباشرة يتحمر على جهتين.
بالصحة والراحة.
