شكلاط للدهن بالتمر تايجي رائع
عندنا فالمقادير
250 غرام شكلاط اسود ممتاز
125 زبدة
كاس تمر مقطع ومفور
كاس حليب مركز محلى من الأحسن يكون مصاوب فالدار، بالنسبة ليه غادي نحتاجو: كاس سنيدة، كاس « نيدو » كاس ديال الماء غاناخدو هاد 3 دالمكونات نديروهم فكاسرونة فوق عافية مهيلة مع التحريك المستمر غير نحسو بيه بدا يعقاد نزيدو عليه داك التمر المفور ونحركو مزيان ونطفيو عليه البوطة، راه تانحصلو على خليط ملون بالتمر نخليوه يبرد، ونذوبو الشكلاط مع الزبدة ومباشرة نديرو كلشي فالخلاط الكهربائي ونطحنو الخليطين بجوج ونديروه فقريعات ووبالصحة والراحة راه تايعطي كمية مزيانة وتايجي بمذاق ديال التمر رائع.
