شهيوات العيد.. حلوى بفلان كراميل

المكونات:
3 ملاعق كبيرة زبدة
بيضة
2 ملاعق صغيرة كاكاو
كيس فلان بنكهة الكراميل اللي كيوزن 2.5
كأس زيت
كأس سكر كلاصي
الدقيق حسب الخليط

الطريقة:
فانإء كنوضعو الزبدة مع السكر والزيت نطربوهوم بشكل جيد من الاحسن ايلا كان الطراب الكهربائي حتى تولي كريمة.
من بعد نضيف بيضة ونخلط جيدا حتى كينساجمو من بعد نضيف كاكاو وكيس فلان ونبداو نضيفو الدقيق بالتدريج، ردو البال ما تكتروش الدقيق باش ما تنشفش ليكم الحلوى حيث الكاكاو كينشف.
مباشرة من بعد ما كنجمعو العجين كنديروها كويرات ديرو أي طابع عندكم.
كنستفها فطاوة اللي فيها ورق الطبخ ودخلها طيب على نار مهيلة ردو البال الكاكاو ما كيبانش فالطياب ما خاصهاش طيب بزاف ومنين كطيب كتزينوها بلي بغيتو، صوص كراميل أو شوكولا بيضاء.

بالصحة والراحة.

مواضيع ذات صلة