شهيوات رمضان.. بطاطس معمرين في الفرن

المكونات:
بطاطس على حسب كمية أفراد الأسرة
زعتر
الملح
زيت الزيتون

الطريقة:
كنغسلو البطاطس مزيان ونقشروها ونقطعوها على نصف ثم نفرغوها بمعيلقة وندهنوها بزيت زيتون والزعتر والملح ونحطوها في صفيحة الفرن ثم نغطيوها بورق الزبدة وورق الألمنيوم وندخلوها الفرن على نار متوسطة تقريبا شي 30 دقيقة ونخرجوها ونخليوها حتى تبرد عاد نديرو فيها الحشوة.

مكونات الحشوة:
في مقلاة كنشحروا البصلة مع شوية الزيت والإبزار والملح حتى تشحر البصلة عاد نضيفوا الكفتة اللي كنكونوا درنا فيها التوابل ديال الكفتة ونخليوها تشحر مزيان.

نحيدوها من فوق النار ونديروا فيها الفروماج ونحركوها ثم نعمروا البطاطس ديالنا بالكفتة ونديروا فوقها الفروماج وصلصة البيشاميل وندخلوها الفرن على نار متوسطة حتى تحمر ونخرجوها نفدموها سخونة.

بالصحة والراحة.

مواضيع ذات صلة