شهيوات رمضان.. بينيي مالح بحشوة لذيذة (صور)

مكونات العجين:

2 بيضات
2 كيسان حليب دافي
معلقة خميرة الخبز
2 خمارات
ملح
ملعقة سنيدة
ضامة صغيرة زعفران اختيارية
الدقيق حسب الخليط
2 معالق زبدة باردة

الطريقة:
كنعجنو المكونات كاملة إلا الزبدة تانخليوها حتى ترتاح عاد ندخلوها فالعجينة شوية بشوية وحنا تاندلكوها ونخليوها ترتاح من بعد نسرحوها ونعمروها بالحشوة.

بالنسبة للحشوة:
بصلة مشلضة ومشحرة فشوية الزيت تانزيدو الطن، بيض مسلوق ومحكوك، فروماج مثلث، المورتديلا او اي شاغكوتري بغيتي، زيتون مقطع رقيق، فروماج احمر، هريسة، ملح، ابزار.

تانعمرو العجينة ونخليوهم يخمرو واحد 15 دقيقة ثم تاندهنو البينيي ديالنا ببيضة مخلطة بقطرات صوص الصوجا ومعلقة الخل مطربين ونزينو بالبافو وندخلوهم الفران يطيبو وبالصحة والراحة.

مواضيع ذات صلة