شهيوات رمضان.. خبز السندويش بحشوة اقتصادية

المكونات:
نصف كيلو دقيق أبيض نوعية ممتازة ( 500g ) مايعادل 5 كؤوس عنبة
خميرة فورية حسب الجو
2 ملاعق حليب مجفف
ملعقة صغيرة سكر سنيدة
ملح
ماء بارد للعجن
ملعقة كبيرة زبدة

الطريقة:
كنخلطوا جميع المكونات مع بعض مزيان ونديرو الماء كافي نخليو العجين متوسط ميكونش مرخوف بزاف، ثم نديروه في العجانة يتعجن مزيان، ثم ندهنو العجين بشوية الزيت ونغطيوها ببلاستيك غذائي حتى ترتاح.

ناخدو صفيحة الفرن وندهنوها بالزيت وفي إناء آخر كنديروا شوية الدقيق أبيض نرشو منوا شوية على يدينا ونشكلوا كويرات كل كرة نحاولو نديروها على شكل بيضوي ونحطوها في صفيحة الفرن ونستمروا بهاد الطريقة حتى نساليو كلشي ونخليوهم حتى يخمروا عاد ندهنوهم بالبيض مخلط مع شوية الخل ونرشوا فوقهم شوية زنجلان.

ندخلوهم الفرن الفوق على نار متوسطة حتى يتحمروا من التحت ونهبطوهم التحت يتحمروا شوية فاش يطيبو نغطيوهم بمنديل.

الحشوة:
الطون وكاشير محكوك ونقطعو الطماطم والخص والزيتون اخضر دوائر والبصلة ونتبلوهم بشوية الخل الملح والزيت ديال الطون وشوية الابزار والمايونيز.

مواضيع ذات صلة