شهيوات رمضان.. رايب للسحور
الطريقة مع المكونات:
2 لتر حليب
فيضت لتر مع السنيدة حسب الدوق
وخليت لتر بارد
زدت ياغورت طبيعي عاقد على الحليب البارد وحركتو مزيان.
صفيت الحليب البارد وزدت عليه الحليب اللي فيضت يكون باقي سخون حتى هو صفيتو وحركتهم.
خديت بانيو فرشت فيه مانطة صغيرة حطيتو في البلاصة اللي غادي نخليه فيها منبقاش نحركو منها.
وبديت كنعمر في الكيسان ونحط في البانيو فاش ساليت غطيتهم بسولوفان وزدت مانطة اخرى غطيتهم مزيان خليتهم 8 ساعات عاد درتهم في الثلاجة حتى بردو.
بالصحة والراحة.
