شهيوات رمضان.. سيكار معمرين بالكفتة والجبنة

المكونات:
500 غ كفتة
100 غ شعرية صينية
2 بصلات مشلضات
150 غ فرماج أحمر محكوك
2 فصوص ثوم
ملح ابزار سكينجبير طري
1 معلقة كبيرة صوجا
1 معلقة كبيرة خل
صوص حارة
2 معالق كبار زبدة

الطريقة:
نبللو الشعرية الصينية ونستقطروها ونحطوها في إناء وناخدو مقلاة وندوبو فيها الزبدة ونضيفو البصلة مشلضة والثوم والملح والابزار حتى تدبال ونضيفوها على الشعرية الصينية.
في نفس المقلاة نوضعو الكفتة ونضيفو ليها الملح والابزار وسكينجبير والخل والصوجا والحار ونشحروها مزيان حتى تنشف ثم نضيفوها على البصلة والشعرية ثم الفرماج ونخلطو مزيان.
ناخدو ورق البسطيلة ندهنوه بالزيت ونعمروه ونطويوه على شكل سيكار ونستعملو الورقة الكبيرة كاملة.
نقلبوهم فالزيت أو يدخلو للفران.

بالصحة والعافية.

مواضيع ذات صلة