شهيوات رمضان.. شنيكات مالحين
مكونات العجينة:
كأس ماء دافي
كأس حليب دافي
كأس من الزيت
معلقة زبدة رطبة
ملح
خميرة الحلوة
ملعقة من خميرة الخبز
معلقة ونص كبيرة سنيدة
دقيق الفورص حسب الخليط
الطريقة:
نخلطو جميع المكونات ونخليو العجينة ترتاح ومن بعد نطلقوها بالمدلك وندهنوها بصوص طوماط اللي فيها 4ماطيشات مغسولين مزيان مقطعين على ربعة معها خيزوة محكوكة وملح وابزار وورقة موسى وزعتر وزيت نخليهم حتى يطيبو ونطحنوها في ماكينة دماطيشة.
نعملو فوق الصلصة الكفتة مشحرة مع بصلة وورقة موسى والعطرية ديال الكفتة والربيع ونزيدو عليها فرماج موتزريلا محكوك ونروليو لعجينة شكل حرابل ونعملهم في فريكو شوية ونقطعوهم دوائر ونخليوهم يرتاحو شوية.
بالصحة والراحة.
