شهيوات رمضان.. كرواسون لذيذ وسهل التحضير

المكونات:
5كؤوس دقيق أبيض
ملح
نصف كأس سكر
ملعقة كبيرة خميرة الخبز
2ملاعق حليب بودرة
أبيض بيضة
ملعقة كبيرة زبدة
كيس فانيلا
ملعقة صغيرة خميرة الحلويات
250غ زبدة التوريق
شكولاطة للحشو

الطريقة:
في إيناء نوضع جميع مكونات العجين نجمعها بالماء دافئ ندلكها شوية نوضعها في بلاستيك نتركها ترتاح ونقسمها ل2كويرات.

نذوب الزبدة ونقسمها على 2 ناخد كويرة نسرحها بالمدلك ونوضع عليها الزبدة نتركها حتى تنشف عاد نلفها على شكل مستطيل نتركها على جنب ونسرح الكويرة الثانية ندهنها بالزبدة ونوضع عليها العجين الاول اللي تركناه على جنب ونلفهم حتى للأخير ونطويه على شكل مسمنة.

نتركها 10دقائق في الثلاجة ونسرحها على شكل مستطيل نقطعها مثلثاث ونوضع في كل قطعة الشكولا ونلفها حتى للأخير نوضعها في صفيحة الفرن نستمر بهاد الشكل حتى نكمل الكمية كلها نتركهم يختمرو وندهنهم بصفار البيض مع قطرات الصوجا.

ندخلهم للفرن يكون سخون مزيان يطيبو على خاطرهم ونقدمهم.

بالصحة والعافية.

مواضيع ذات صلة