شهيوات رمضان.. معقودة في الفرن سهلة ولذيذة
المكونات:
بطاطس مسلوقة
بالنسبة التوابل نتحكموا في الكمية على حسب البطاطس اللي عندنا
القليل من كركم
القليل من الملح
بيضة
كمون
فلفل أحمر
صلصة الحارة
ثوم مفروم
قزبر ومعدنوس
شوية الزعتر إختياري
فروماج
دقيق أبيض
الطريقة:
كناخدو البطاطس كنطحنوها في الطحانة ديال مطيشة أو نمعكوها بالشوكة نضيفوا ليها جميع المكونات اللي إلا الفروماج والدقيق.
كنخلطوا جميع العناصر مزيان ثم ناخدو صفيحة الفرن نفرشوا ليها ورق الزبدة وإلى مكانش ورق الزبدة ندهنوها بالزيت ثم في يدينا نديرو شوية الدقيق أو لا الزيت باش متلصقش لينا المعقودة في يدينا.
ثم ناخدو شوية من البطاطس نديروها على شكل كورة ونبسطوها بيدنا غير شوية ثم نديروا فيها الفروماج الوسط ونعاودوا نجمعوا البطاطس باش يجي لينا الفروماج داخل ديالها ونحطوها في صفيحة الفرن نستمروا بهاد الطريقة حتى نساليو الكمية كاملة.
ممكن ندهنوا المعقودة ديالنا بالبيض وإلى مكانش متوفر نستغناو عليه وندخلوها الفرن طيب على نار متوسطة ندريوها الفوق حتى تقبط عاد نهبطوها التحت تحمر ونقدموها بالصحة والراحة من الأفضل ناكلوها سخونة.
