عصير سهل واقتصادي بكمية كبيرة
من لالة الحادكة بنت تفراوت
المقادير :
500g جزر مقشر و مقطع
كيلو الليمون نحيدو منو ليمونة وحدة نقطعوها بقشورها و نعصرو الباقي
حامضة مقطعة بقشورها بلا عظام
750g سنيدة
2 درهم الليم او السنيدة الحامضة راه موجودة عند العطار (جهد معلقة كبيرة )
1 لتر ماء
الطريقة :
في طنجرة نديرو الليمونة مقطعة بقشورها و الحامضة حتى هي مقطعة بقشورها و خيزو مقطع و سنيدة الحامضة (الليم) و لتر الماء نزيدو عصير الليمون و نديروا كلشي فوق العافية يطبخ الكل حتى يطيب
ملي يطيب نطحنوه و نصفيوه و نزيدوا ليه 5 لتر الماء و السنيدة
و نخلط الكل حتى دوب سنيدة و عمري القراعي تيخرج تقريبا 6 لتر العصير
بالصحة والراحة العصير تبردوا به في هاد الصهد
