غريبة معلكة بالكاوكاو والكوك

المقادير

500غرام من الكاوكاو مصهد فالفران (ماشي محمر) بقشورو ومطحون.

500غرام كوك مطحون.

400غرام سنيدة.

3 معالق كبار كاكاو (حسب اللون لي بغيتي).

2 خمارات.

أربع بيضات.

ماء الزه.ر

سكر كلاصي.

طريقة التحضير

كتخلطي جميع المقادير و تجمعي بالبيض تذهن اليد بماء زهر وتعملي كويرات وتفنديهم في سكر كلاصي لي مخلط معاه شوية خميرة الحلوى.

يكون الفران سخون شوية وشعلي غير الفوق على نار مهيلة حتا تشقق مزيان عاد شعلي التحت شي 2 دقايق المهم على حساب فرانكم ومكتفوتش 15 دقيقة، ويتحمر ليكم السكر كيولي مقرمش المهم متخليوهاش بزاف ملي طيب خليها فالطاوة حتا تبرد مزيان عاد حيدوها.

مواضيع ذات صلة