كريب مالح معمر بفواكه البحر

• مقادير الكريب:

2 بيضات
2 معالق كبار زبدة دايبة
كاس كبير حليب
كأس كبير دقيق نفس كأس لكنعبر بيه الحليب كنعبر بيه الدقيق
شوية وراق القزبر والمعدنوس
ملح إبزار

• طريقة تحضير الكريب:

نطحنو في الخلاط الكهربائي البيض + زبدة + ملح + إبزار + وراق القزبر والمعدنوس ثم نزيدو الحليب الدقيق ونطحنو كلشي مزيان ونطيبوه فمقلة مكتلصقش.

• مقادير الحشوة:

فواكه البحر
فلفلة مقطعة
بصلة مقطعة
العطرية : ملح + إبزار+ سكنجبير+ بودرة الثوم
الزيت
فرماج

• الطريقة:

نشحرو بصلة مع شوية الزيت نزيدو فلفلة وفواكه البحر والعطرية ونخليو كلشي إطيب من بعد نعمرو الكريب، نوضعو الحشوة وقطعة من فرماج السندويش نلويو الكريب نزلوه في لاطة الفرن نرشوه بالجبن وندخلوه الفرن.

مواضيع ذات صلة