كيف تحمي طفلك من التحرش الجنسي؟ أخصائي يجيب
طرحت قضية الطفل عدنان بوشوف، الذي تم العثور عليه الجمعة (11 شتنبر)، مدفونا بالقرب من منزله في طنجة، بعد تعرضه للاختطاف والاغتصاب ثم القتل، تساؤلات لدى الأمهات والآباء حول كيفية توعية أبناءهم بخصوص ظاهرة التحرش الجنسي.
وفي اتصال مع موقع « لالة+ »، كشف الأخصائي النفسي، رضى محاسني، عن طرق بسيطة لتوعية الأطفال وتحسيسهم بهذا الخصوص.
سن التمدرس
وقال الأخصائي: « لازم نربيو الأطفال ديالنا على ثقافة الحوار ونبريوهم على التعاويد وأنه يوميا خاص يكون واحد النقاش معين باش الولد أو البنت يولفو يعاودوليك نهارهم كيداز ».
وتابع: « الأطفال مللي كايدخلو لسن التمدرس ومللي كايدوزو ساعات معينة غايبين لى المراقبة ديالنا خاص مللي يجيو نخلقو معاهم واحد النقاش ».
قبل سن التمدرس
وكشف الأخصائي محاسني أن « الطفل قبل وصوله لسن التمدرس ما خاصوش يبقى عند أشخاص ما عندناش فيهم الثقة وحتال لوصولولو لسن التمدرس الأطفال لازم يبقاو تحت المراقبة ديالنا ».
وأضاف: « قبل الوصول إلى سن التمدرس خاص يكونو عندنا قنوات ديال الحوار مع الطفل ».
الأطفال ذوي الاحتياجات الخاصة
في نفس الاتصال، أكد محاسني أنه يجب إيجاد طرق للتواصل مع الأطفال من ذوي الاحتياجات الخاصة، لأنهم كغيرهم قد يتعرضون لاعتداءات جنسية.
وقال: « إيلا كان الطفل عندو إعاقة كاين وسائل أخرى للتعبير فحال الرسم والألعاب وكاين وسائل أخرى للتواصل مع هاد الطفل اللي كتفهمنا شنو عاش هداك الوليد ».
كيف نشرح التحرش الجنسي للطفل؟
شدد الأخصائي في حديثه على ضرورة شرح التحرش الجنسي وماهيته للطفل، عن طريق إيجاد وسائل أو طرق بسيطة للتعبير.
وأفاد: « لازم من السن ديال التمكن من التعبير نطرحو مع الطفل مسألة التحرش الجنسي ونشرحو ليه باللي الذات ديالو ما من حق حتى شي واحد يقيس فيها وباللي خاص الطفل يعاود للأهل ديالو ويدافع على راسو ».
وأضاف: « خاص بطرقنا الخاصة نشرحو للطفل أنه كاينين ناس متحرشين كاينين ذئاب ونشرحو لو أنه ما خاص يمشي مع حتى شي واحد كيفما كان وما ياخد حتى شي حاجة من عند شي واحد بدون ما يكون قريب منك أو تحت المراقبة ».
وأكد الأخصائي على أنه من الضروري بناء علاقة قوية بين الطفل ووالديه أساسها الثقة، حتى يكون قادرا على التحدث معهما عن أي شيء.
