كيك الفواكه الجافة رائع بطبقتين
6 بيضات
كاس ونص سنيدة
كاس زيت
1 ياغورت بيرلي كريمي
كاس الحليب
معلقة روح البراليني او روح الكراميل
150 غرام تمر معجون
100 غرام لوز مهرمش
50 غرام زبيب مقطع
2 معالق كاكاو
3 خمارات
الدقيق حسب الخليط المهم يجي الكيك ماتقيلش بزاف
اولا غانديرو التمر مع الحليب فكاسرولة فوق العافية حتى يغلي ونخليوه يبرد
نطربو البيض مع السكر غير بالطراب اليدوي ونزيدو باقي العناصر والتمر مع الحليب،
واللوز والزبيب ندوزوهم فالدقيق ونضيفهم مع الكاكاو والخمارات ونكبوه فواحد المول اللي يكون مدهون بالزبدة، وندوزو نوجدو الطبقة الفوقانية اللي فيها
60 غرام بيسكوي
60 غرام كوك
60 غرام زبدة
60 غرام خرطال او الشوفان
60 غرام سنيدة
كلشي يتبسبس فإناء وندردروه فوق الخليط ديال الكيك وندخلوه الفران يطيب واحد 35 دقيقة، حتى يتحمر مزيان ونخرجوه وندهنوه بالناباج والعسل ونزينوه بحب الملوك يابس والحبيبات ديال الكوكيز واللوز محمر وتخليوه يبرد أو بالصحة والراحة.
