لبؤات الأطلس بعد التأهل التاريخي: فرحنا بلادنا وكلنا فخورين حيت فرحنا والدينا… والمستحيل ماشي مغربي
عبرت لبؤات الأطلس عن سعادتهن واعتزازهن بالتأهل إلى ثمن نهائي مونديال السيدات، بعد تحقيقهن الفوز على منتخب كولومبيا بهدف دون رد في آخر مباريات دور المجموعات.
المستحيل ماشي مغربي
وعقب المباراة التي حجزن فيها بطاقة التأهل للدور الثاني من كأس العالم المقامة بأستراليا ونيوزيلاندا، أجمعت اللبؤات في تصريحات صحفية، على أن المستحيل ليس مغربيا، مؤكدات على عزمهن المضي في رحلة المونديال.
وعن إنجاز اللبؤات في المونديال، قالت لاعبة المنتخب المغربي، سكينة أوزراوي الديكي “فرحانين بزاف دقايق اللخرين كانو صعاب ولكن لعبنا فرقة وحدة والمستحيل ماشي مغربي”.
فرحنا بلادنا…
وعلقت أنيسة لحماري، صاحبة هدف الفوز على كولومبيا، بالقول: “فخورة حيت فرحنا بلادنا وكلنا فخورين حيت فرحنا والدينا ما عنديش كلمات باش نوصف شنو وقع”.
وأعربت نهيلة بنزينة، وهي أول لاعبة محجبة في مونديال السيدات عن سعادتها بالتأهل، قائلة “كنا كنحلمو نوصلو لهاد الفوز، الكرة مافيهاش شي حاجة مستحيلة كنا فرقة وحدة كندافعو كاملين وكنهاجمو كاملين عندنا نفس الرغبة ونفس الهدف”.
وتابعت بنزينة: “الحمد لله كانت نتيجة مرضية وقدرنا نفرحو الشعب المغربي كامل دابا هوما فخورين بينا وحتى حنا فخورين براسنا والدينا وخوتنا وصحابنا كلشي فخور بينا… وصلنا للمبتغى وما زال غنكملو خدمتنا ونزيدو نشرفو بلادنا”.
روح قتالية “عالية”
ومن جهتها، أشادت ابتسام الجرايدي، بمستوى قتالية المجموعة، مبرزة: “ما نقدرش نوصف الشعور ديالنا، فرحة كبيرة الحمد الله ما حطيناش يدينا وما استسلمناش لعبنا حتال آخر دقيقة خدمنا على هاد الماتش ودينا فيه 3 نقط ما فكرناش فالماتش ديال ألمانيا وكوريا لعبنا لراسنا وربي كبير تأهلنا”.
هذا وتمكن المنتخب الوطني المغربي للسيدات من حجز بطاقة التأهل للدور الثاني من كأس العالم المقامة بأستراليا ونيوزيلاندا، بعد تحقيقه الفوز على نظيره الكولومبي بهدف دون رد في آخر مباريات دور المجموعات.
شيماء ناجم
