لذيذة وشهية.. كنافة منزلية
عجين الكنافة:
جوج كيسان عنبة دقيق أبيض النوع الجيد.
جوج كيسان عنبة من الماء
كاس عنبة نشا
4 ملاعق كبار زيت رومية
الطريقة:
نطحنو كلشي مزيان في كأس خلاط كهربائي صم نصفييو الخليط ونصبوه في قرعة بلاستيك ديال الماء خاوية
وغطاء القرعة نتقبوه بإبرة سخناها مزيان فوق البوطة غير ثقب واحد.
نسخنو المقلاة لي ماكتلصقص ونبقاو نخرجو العجين من ثقب القرعة وحنا كندورو على المقلاة بشكل حلزوني حتى كنحصلو على خيوط كتيرة.
دغيا كيطيبو ولي وجد نعملوه في منديل ونبقاو حتى نكملو عجين كنافة.
الحشوة:
ناخدو أي نوع مكسرات لوز محمر
كاوكاو محمر أو بيسطاش أو نخلطوهم ونزيد شوية سكر كلاصي وشوية قرفة وشوية ماء زهر
كنافة ضروري ماندهنوها مزيان بزيت وزبدة مدوبة حتى تلبس مزيان بيهم ماتبقاش ناشفة تم نعملو طبقة كنافة في مول.
طبقة حشوة المكسرات:
طبقة من الكنافة وندخلوها للفرن تطيب وتتحمر نسقيوها بالعسل.
كيف ممكن تحشيوها بجبن عادي او ديال العلبة مخلط مع فرماج مربع وجبن موتزريلا.
أو تحشيوه بحشوة الحوت أو الدجاج بحال ديال بسطيلة.
لكم كل الإختيار.
بالصحة والراحة.
