والدة اليوتيوبر أيمن سنباي: ولدي راه معانا دابا في الدار وما خاصو حتى خير
وجهت والدة أيمن الهاشمي المعروف بـ”أيمن سنباي” رسالة إلى عدد من الصفحات والقنوات التي نشرت مقاطع فيديو وصور لابنها، مطالبة إياهم بحذف تلك المقاطع.
وقالت والدة أيمن، في اتصال هاتفي مع موقع “كيفاش”، إن مجموعة من القنوات تنشر أكاذيب بخصوص ابنها، ما يسبب لها ولأسرتها ألما نفسيا رهيبا.
وجاء في معرض حديثها: “هاد الناس قهرونا بزاف وضرونا، ولدي مرضي وتربى أحسن تربية وداك الكلام اللي كيقولو عليه كولو كذب، راه معانا دابا في الدار وما خاصو حتى خير”.
وتابعت: “كنطلب من القنوات والصفحات اللي ناشرة صور ولدي ولا الفيديوهات ديالو الأخيرة يحذفوها، وأنا لجأت للقضاء، واللي ما حيدش الصور ولا الفيديوهات غادي نتابعوه، حيث داكشي كيضرني وكيضر الأسرة ديالو”.
وأضافت: “ولدي راه ما هرب، ما تخلينا عليه، ولدي معانا في الدار وكيتعالج وبخير، وحنا رفضنا نخرجو إعلاميا باش ما تكثارش الهضرة، ولكن شي قنوات وصفحات على مواقع التواصل الاجتماعي بداو كيحطو شي هضرة لا أساس لها من الصحة، اللي عزيز عليه ولدي وبغى ليه الخير يدعي معاه، أما هادشي اللي كيديرو فيه راه ما غادي ينفعو بحتى حاجة”.
محمد المبارك
