المقادير :
- دجاج (الكمية حسب عدد الأشخاص)
- التوابل
- السمن
- القزبور والمعدنوس
- الحامض مصير
- ونتوما بداو غير بدجاجة وحدة
- شرمولة
- نحتاجوليها 3 معالق كبار سكين جبير
- 3 معالق خرقوم بلدي
- ملعقة صغيرة مخلطة بسيبيسة و قعقلة مطحونين(انا مكنديرهمش)
- 2معالق كبار سمن
- ملعقة كبيرة إبزار
- ملعقة صغيرة قرفة
- ثوم مدقوق 3 فصوص للدجاجة
- قزبور و معدنوس
- نصف حامضة مصيرة مقطعة رقيق
- شوية من ملون آصطناعي(كنستعمل الشعرة)
- الملح غير شوية(حيث الدجاج مالح)
طريقة التحضير :
-
نغسلو الدجاج بالملح والحامض أو الخل و سكين جبير نخليوه إيبات في الترقيدة ديالو حتى للصباح نغسلوه مزيان و نحطوه يتسقطر تنخلطو جميع المكونات مع كأس كبير من الماء ثم كنبداو نرقدو الدجاج في الشرمولةحتى كدخل مزيان في الدجاج نربطو ليهم رجليهم نرقدو الدجاج ساعة ثم نزيدو عليه كأس ماء و نحطوه إيطيب على نار مهيلة حتى يغلى مزيان ثم نضيفو 4 بصلات مشلظين رقاق و كأس زيت مخلط رومي و زيت زيتون نقلبو الدجاج على كرشو و نخليوه يطيب على نار مهيلة(ما تخليوهش على ضهرو) بعدما يطيب الدجاج نجهدو العافية باش يتنقص المرق ثم نحيدو الدجاج من المرق و نحطوه في لاطة و ندهنوه بالسمن او الزبدة و ندخلوه للفرن يتحمر(ممكن تحمروه فزيت سخونة ) كنسلقو الكبدة ونصفيوها نزيدوها على المرقة اللي نكونو زدنا عليها البصلة على حسب كمية الدجاج ونخليوها طيب على خاطرها وحنا كنحركو حتى كتعسل المرقة وكيتعزل الزيت كتولي دغميرة ، في الأخير كنحطو الدجاج في طبق التقديم و نخويو شوية المرق و نزينو بالزيتون و كل واحد كيزين حسب الذوق ديالو
/1