المقادير :
- 350 غ دقيق
- 3 بيضات
- 50 غ زبدة دائبة
- 300 مل حليب
- ملح ابراز
- زعفران شعرة
- مقادير الحشوة
- 500 غ هبرة لحم او دجاج او داند
- معلقة كبيرة موطارد
- معلقة كبيرة عقدة الزنجلان او الطحينة
- معلقة صغيرة عطرية الشوارما
- 1 معلقة كبيرة خل التوم
- 4 فصوص تومة محكوكين
- ملح ابزار سكينجبير
- 3 معالق كبار زيت
- فرماج السندويش
طريقة التحضير :
-
(بالنسبة للشوارما من الاحسن تنرقد يومين عاد نطيبوها) ناخدو الخلاط نوضعو فيه الحليب البيض الزبدة الملح الابزار و زعفران شعرة نطحنو الكل مزيان حتى يتجانس الخليط ونفرغوه فاناء نغربلو عليه الدقيق ونخلطو مزيان اذا جا خفيف نضيفو شوية دقيق ولا جا خاتر نضيفو الماء و نعاودو نطحنوه باش ميبقاوش لكويرات فالخليط. و نبداو نطيبو لكريب ديالنا وحدة وحدة ونحطوه مبين 2مناشف باش مينشفش حتى تسالي الخليط. نخلطو مقادير الشوارما كلها ونرقدو فيها قطع اللحم مزيان على الاقل ليلة واحدة نطيبو الشوارما ديالنا حتى تنشف من المرق اللي فيها طبعا بدون اضافة الماء ونخليوها تبرد ونبداو نعمرو بيها لكريب ديالنا نحطو الفرماج ثم حشوة الشوارما ونسدو لكريب بشكل مربع ندخلوه يسخن شوية فالفران ونزوقوه بالزيتون ونقدموه سخون .
/1