المقادير :
- كسكس تفاية
- كيلو كسكس رقيق
- دجاجة كاملة وزن كيلو ونصف او اكتر حسب الاشخاص
- 3 بصلات
- 1 كاس صغير خليط زيت زبتون وزيت المائدة
- 1 معلقة صغيرة سمن
- زعفران شعرة. ملون. ملح. ابزار
- 2 عود قرفة
- معلقة كبيرة سكينجبير
- زلافة حمص مفزك
- ربطة معدنوس
- ماء
- تفاية
- 2 كيلو و نصف بصلة حمرا
- 250 غ زبيب. نصف كاس عسل
- معلقة كبيرة ماء الزهر. 2 معالق كبار زبدة. معلقة صغيرة سمن. 1/2 معلقة صغيرة ابزاز. 1 معلقة صغيرة سكينجبير. 1 معلقة صغيرة قرفة. ملح.
- 50 غ لوز و بيض مسلوق
طريقة التحضير :
-
كسكس تفاية يمكن لينا نوجدوه بالدجاج لحم البقر او الغنمي فطنجرة نحطو الدجاج البصلة الزيت السمن سكينجبير ابزار ملح ملون زعفران شعرة عواد القرفة 10 دقائق على نار متوسطة ثم نصيفو الحمص ونمهلو عليه العافية ونخليوه حتى يطيب الدجاج نفزكو الزبيب فالماء سخون ونصفيوه ونحتافضو بيه فطنجرة نعملو البصلة مشنفة مع ربع كاس ماء نخليوها تدبال تم نضيفو الزعفران الملون الملح الابزار سكينجبير الزبدة السمن و ماء الزهر و نخليوها تغلي 15دقيقة على نار مهيلة تم نضيفو الزبيب و العسل ونبداو نحركو فيها باستمرار حتى تبدا البصلة تتعسل والا نشفات قبل ما تشد اللون نزيدو عليها مرق الدجاج باش ما تحرقش و تزيدها لذة اما بالنسبة للكسكس فيمكن لينا نفوروه على مرق الدجاج او الماء و عود القرفة نعملو الكسكس فالقصعة ونزيدو عليه ربع كاس زيت نخلطوه مزيان ونرشوه بشوية الماء ونعملوه فلكسكاس يفور 15 دقيقة نعاودو نخويوه فالقصعة نخدموه بادينا مزيان ونرشوه بالماء والملح نخليوه يشرب شويه ونعاودو نفوروه 15 دقيقة ونفس الطريقة بدون ملح نعاودو نفوروه لتالث مرة ومنين نكبوه ندهنوه بالزبدة وهو مزال سخون
/1